Elcheko partida utzi zuen aho-zapore onaren ostean, munta handiko beste partida bat dator. Datorren larunbatean Realak Atletico Madrid taldearen aurka jokatuko du 18:30etatik aurrera, txuri urdinek gustuko duten denboraldiko hitzordu handi horietako batean. Etxeko estreinaldian bezala, giro ezin hobea espero da.
Ordua duela bi jardunaldi baino hobea bada ere, ziur aski bazkide kopuru bat ezin izango da partidara joan, hainbat arrazoi direla medio. Ezin baduzu, harmailetan inor falta ez dadin, bazkide txartela klubari nahiz senide edo lagun bati utzi diezaiokezula gogorarazten dizugu.
Bazkide txartela klubari utzi nahi diozu? Hemen duzu informazio guztia
Bazkide txartela senide edo lagun bati utzi nahi diozu? Deskargatu hemen Realzale App-a