Emakumezkoen futbolak ere, izugarri zabaltzen ari dena, edizio honetan presentzia garrantzitsua izango du. Gaur, 19:00etan, Victoria Eugeniako Areto Clubean, Vero Boquete, Nahikari Garcia eta Aintzane Encinas bilduko dira Olga Vizak moderatutako solasaldian, Ellas también juegan: debate sobre el fútbol femenino izenburupean. Urtetik urtera hazten ari den futbolaren zati baten oraina eta etorkizunari hurbiltzeko aukera ona da, emakumeen berdintasunaren aldeko borroka islatzen duena.