Santiago Bernabeurako zerrenda

Txuri-urdinek Santiago Bernabeu zelaia bisitatuko dute bihar, 21:00etatik aurrera, Real Madriden aurka jokatzeko. Taldeak Zubietako z2 zelaian egin du lan eta Imanol Alguacil entrenatzaileak Madrilera bidaiatuko duten jokalarien zerrenda eskaini du.

Deialdia ondorengoa da: A. Remiro, Zaldua, Llorente R., Zubeldia, Aritz, Portu, Merino, Willian J., Oyarzabal, Januzaj, Aihen, Moyá, Guevara, Zurutuza, Isak, Monreal, Odegaard eta Le Normand. Illarra baja medikua da. Gainontzekoak erabaki teknikoarengatik deialditik kanpo gelditu dira.