Ioritz Etxebestek, duela hamarkada batetik bazkide, dagoeneko sari bikoitza du martxoko eta ekaineko MVP-n parte hartzeagatik. 23 urteko donostiar honek Txurdinen eskutik jaso ditu bi sariak. Batetik bi hilabete hauetako jokalaririk onena izan den Mikel Oyarzabalek sinatutako kamiseta eta bestetik BM Supermerkatuak enpresaren erosketa txartela (100 euro).
Funtzionamendua:
Partida bakoitzaren ostean MVP-aren bozketa irekitzen da. Behin epea itxita, botu gehien lortu dituzten jokalariek 3, 2 eta puntu 1 izango dute sailkapen nagusirako. Hilabetearen amaieran, puntu berdinketa badago jokalari desberdinen artean, jokalari bakoitzak jasotako botu kopurua begiratuko da berdinketa desegiteko.
Oharra: Martxoko partidak ekainean zenbatu dira, orain berrabiarazi diren partidekin batera. Beraz, hemendik denboraldi bukaerara arte uztaileko MVP-a eta denboraldiko MVP-a egongo dira.