Igandean ereserkiaren bertsio berria estreinatu genuen. Gainera, gure bazkideen leialtasuna ikusi genuen, batez ere gure artean 75 urte baino gehiago daramaten 6 bazkide, guztiok Realaren alde sentitzen dugun grinaren ordezkari. Egun berezia bizi izan zuten. Klubaren eta zaleen omenaldia jaso zuten.
Jose Juan Ramosek, Ramon Sistiagak, Jose Ignacio Salaverriak, Jose Joaquin Arronizek, Ezequiel Olañetak (ezin izan zen etorri) eta Felix Marquetek zaleen txalo zaparrada beroena jaso zuten. Gizonen eta emakumezkoen taldeko jokalariekin batera irten ziren zelaira eta neurketa hasi aurretik ereserkiaren bertsio berria entzun zuten. Momentu ahaztezina izan zen. Realaren esanahia bertan ikusi zen. Ezin hobe ordezkatzen dute Reala. Beraiek eta zale guztiek. Eta etorriko direnak. Aupa Real.