Berriro egitearen meritua

Badaude zerbait berezia duten lekuak. Eta Zubieta, zalantzarik gabe, horietako bat da. Bigarren denboraldiz jarraian, Realak FC Barcelona mendean hartu zuen atzo, munduko futbolaren erreferente nagusietako baten aurka meritu handiko garaipena lortuta.

Talde blaugrana azken porrota jasan zuen zelaira itzuli zen, hain zuzen ere, joan den denboraldian Zubietan galdu baitzuen azkenekoz. Ordutik, inork ez zuen garaitzea lortu. Atzora arte. Beste behin, txuri-urdinek aurreikuspen guztiak hautsi zituzten, eta Zubietan dena posible dela erakutsi zuten.

Golek, emozioak, urduritasunak eta azken txistuaren ondoren lehertutako pozak nekez ahaztuko diren irudiak utzi zituzten. Bertan bizitzeko aukera izan zutenen oroimenean luzaroan geratuko den goiz horietako bat izan zen.

Horrela bizi izan zen, barrutik, meritu handiko garaipen berezi hau.