Bidea jarraitu

Realak larunbat honetan, 12:00etan, ligako partida berri bati ekingo dio Buñolen, Levante UDren aurka. Donostiarrek azken jardunaldian Zubietan Real Madrilen aurka jasotako porrotaren ondoren, garaipenaren bidera itzultzea izango dute helburu.

Txuri-urdinek neurketa ona egin zuten aurrekoan, batez ere lehen zatian, nahiz eta norgehiagoka baldintzatuta geratu zen azken txanpan adierazitako penaltiaren eta kanporaketaren ondorioz. Testuinguru horretan, Arturo Ruizen taldeak sentsazio onak berreskuratu eta orain arte erakutsitako sendotasuna berriz agerian uztea bilatuko du, denboraldi bikaina egiten ari dela berretsiz.

Aurrean, etxean lehiakortasun handia erakusten duen Levante UD izango dute. Realak jardun sendoa egitea du helburu, akatsak ahalik eta gehien murriztuz eta sortzen dituen aukerak baliatuz, ligako beste neurketa garrantzitsu batean hiru puntuak eskuratzeko.