Goizean Zubietara hurbildu diren Amets Bateko umeak taldeari animoak emateari ez diote utzi goiz osoan. Haien berotasuna ostiralean ere sentituko dute jokalariek, Donostiako Axular Lizeoa, Ordiziko Jakintza Ikastola eta Olaberriako Eskolako ikasle hauek Anoetan izango baitira Deportivo Alavesen aurkako neurketan. Gaur primeran pasa dute. Zubieta ezaguztuz, futbolera jolastuz eta lehen taldearen entrenamendua ikusiz. Momentu politena Raul Navas eta Leire Bañosekin egotean izan da. Solasalditxoa izan dute eta hainbat argazki atera. Gaur egun berezi hau arratsaldean Donostiako Aquariumari bisita eginez amaituko da.
