Anoetak lehen gol bereziena izan du, balio sinbolikoa izan arren. Gol asko sartu ditu txuri-urdinez eta, omenaldi zoragarri batean, Aitor Zabaleta Harmaileko atean, Etorkizuneko Anoetako lehen gola egin du
Imanol Agirretxe, Klubaren Urrezko eta Brillantezko intsignia jaso ondoren, Aitor Zabaleta Harmaileko atera hurbildu da gola sartzeko eta azken aldiz hegan egiteko Anoetan. Omenaldian Jokin Aperribay presidentearekin eta Jesus Mari Satrusteguirekin, Realeko golegile Nagusia, egon da. Gainera, Leo Messik FC Barcelonaren oroitzapen bat eman dio. Golak harrotasun handia sorrarazi du arratsalde honetan. Beti egingo duzu hegan gurekin, Imanol.
