20-21 Denboraldia amaitzen ari da eta Realak Reale Arenako harmaila hutsei agur esango die gaur bi helbururekin: garaipena lortzea, Europa Leagueko sailkapena itxi ahal izateko, eta gaurkoa zuen babesik gabeko azken partida izatea.
Real Valladolid izango dugu aurkari gaur arratsaldean. Azken seiak falta direnean salbaziotik bi puntura egonda, hil edo biziko partida izango da. Garaipena premiazkoa dute eta aurkari zuzenen emaitzen arabera azken eta behin betiko jardunaldira bizirik irits daitezke. Sergio Gonzalezek edozein defentsa zulatzeko gai diren baliabideak ditu. Fabian Orellana bere jokalaririk zorrotzena baja izango den arren, Shon Weissmanen golei esker puntuak batu dituzte. Lucas Olaza eta Kenan Kodroren etorrerarekin, Ronaldo Nazario buru duen taldeak beste denboraldi batez LaLiga Santanderren jarraitzeko asmoa erakutsi du.
Bi partida geratzen dira, bi aukera anbizio handiko helburu bat lortzeko eta horrela Klubaren historia liburuetara pasako den denboraldiari amaiera eman. Txuri-urdinek ez dituzte etxeko lanak Sadarrerako utzi nahi, Reale Arenako berdegunera etxean bosgarren postua lortzeko asmoarekin irtengo dira. Agurrik onena izango litzateke. AURRERA REALA!!!