Berriro lehiatzera

Sansek La Florida bisitatuko du larunbat honetan Club Portugaleteren aurka jokatzeko. Joan den astean Racing de Santanderren aurkako partida atzeratu ostean, txuri-urdinak lehiatzeko gogoz daude. Gainera, azken hiru jardunaldietako emaitzak ez dira gure filialaren aldekoak izan; beraz, lehiatzeaz gain, garaipenaren bidea berreskuratzeko gogoz daude. Bizkaitarrak, bestalde, talde igo berria dira, baina kategoria honetako klasiko eta historikoa. Azken-aurreko postuan daude garaipen bakarrarekin sei partidatan eta garaipenaren beharra dute. Berriro lehiatzea eta berriz irabaztea. Aurrera Reala!

Gure hirugarren taldeak SD Beasain jasoko du igande honetan Zubietan, beraien gipuzkoarren arteko bigarren derbia jokatzeko. Txuri-urdinak azken bost jardunaldietan lau garaipen lortu eta bolada izugarrian daude. Beasaindarrak ere une onean iristen dira, nahiz eta joan den astean liderraren aurka galdu Loinazen. Maila handiko norgehiagoka izango da. Neurketa Real Sociedad TVren bidez jarraitu ahal izango da zuzenean.

* Partida ateak itxita jokatuko da, instalazioak jendearentzat mugatuta baitaude.