Guztira 78 ikaslek irekiko dituzte gaur EHUren Udako Ikastaroak, Real Sociedad Fundazioarekin eta Kirolenerekin elkarlanean. Aurtengo edizioan, ikastaroa online egingo da uztailaren 1etik 3ra, "Egungo futbolean behaketa eta analisi taktikoak" izenburupean, eta futbol-entrenatzaileei, prestatzaile fisikoei, analistei, kirol-psikologoei eta laguntzaileei zuzenduta dago. Edizio bakoitzean bezala, hizlarien maila altua ikastaroaren kalitatearen isla izango da. Horien artean izango da Luki Iriarte, Futbol Formazio txuri-urdineko zuzendaria.