Realak UEFA Europa Leagueko multzo fasearen bigarren itzulia ekingo du gaur gauean Anoetan mazedoniako FK Vardarren aurka (21:05). Txuri-urdinek final hamaseietara gerturatuko dien garaipen baten bila irtengo dira. Aurreko jardunaldian lortutako emaitzak ez du gehiegizko konfiantza batean amaitu behar eta gaurkoan hiru puntuak Anoetan uztea ezin bestekoa da.
Ez da denboraldiko momentu onenean iristen FK Vardar Anoetara. Shkendija liderratik 10 puntura etxeko ligan eta Europan estreinatu gabe, Cedomir Janevskik zuzendutakoek orain arte erakutsitako irudia aldatu nahi izango dute. Juan Felipe eta Ytalo brasildarrak izango dira kanpokoen mehatxu handienak.
