Gaur denok joango gara Reale Arenara desio bakar batekin, gure bizitza osoa gogoratuko dugun gau bat bizi nahi dugu. Realak AS Erroma hartuko du gaur gauean Europa Leagueko final-zortzirenetako itzuleran, joan den ostegunean Erromako Olinpikoan jokatu zen joaneko 2-0ekoa altxatzeko. Europaren eskakizun gorenak ez du barkatzen, ikasgaia ikasi dugu. Horregatik, gaur hamaika barbaro txuri urdinek gudu-zelaira salto egingo dute dena ezkutuagatik uzteko.
Talde italiarrak duela zazpi egun izandako aukera urriak aprobetxatu zituen. Zergatik ez du gaur Realak egingo? Harmailetako giroak historiara eramango ditu bereak. Zaleak eta taldeak bat bezala borrokatzen direnean, ez dago errentarik geldiaraziko dienik. Gure eremua eremu zeharkaezin bihurtuko dugu, eta ahal den guztietan berea bonbardatzen saiatuko gara. Gaurkoa Europako beste gau handi bat izan behar da gogoratzeko, gure 100.ena. AURRERA REALA!!!
