Arratsalde borobila izan zen Anoetan. Realak garaipen handi bat lortu zuen ligan Juanmik bigarren zatian sartu zuen golari esker. Gol garrantzitsu bat izan zen eta Realaren 3.200. gola Lehen Mailan. Zaleen artean ikusmina sortzeko xedearekin, Realak lehiaketa berri bat jarri zuen martxan bere Twitter sare sozialean, #Gol3200. Parte hartzeko, jarraitzaileek 'Nork lortuko du gure 3.200.gola Lehen Mailan?' galderaren erantzuna tuit bakar batean idatzi behar zuten #Gol3200 hashtag-a erabiliz. Asmatzaile guztien artean zozketa bat egin da eta Inaxio Loza (@Inaxio_Loza) izan da irabazlea. Mila esker parte hartzaile guztiei eta zorionak irabazleari!