Take Kubo arratsaldeko azken orduan iritsi da Donostiara Realarekin sinatzeko azken detaileak ixteko. Japoniako futbolaria Hondarribiko aireportuan lurreratu da 20:30ak aldera, eta han zain zituen Roberto Olabe futbol zuzendaria eta Erik Bretos futbol profesionaleko erreklutamendu unitateko arduraduna.
Japoniarrak azterketa medikoa egingo du bihar Policlínica Gipuzkoan eta, proba fisikoak gainditu ondoren, kontratua sinatuko du talde txuri-urdinarekin eta jokalari txuri urdin berri gisa aurkeztuko dute ofizialki.