Imanol Alguacil, 2024-25 denboraldiaren amaierara arte kontratua berritu ostean, komunikabideen aurrean agertu da Reale Arenan. Jokin Aperribay eta Roberto Olaberekin batera, Orioko entrenatzailea “hunkituta eta pozik” agertu da Realean jarraitzeagatik.
“Hirurok dugun anbizioa partekatua da eta historia egiten jarraitu nahi dugu”, adierazi du Imanolek Aperribay eta Olaberen zorion eta esker ona jaso ondoren. “Ezin naiz leku hobean eta jende hobez inguratuta egon. Gehiago nahi dugu, eta horrek indar eta ilusio handiagoarekin egotea eragiten dit», amaitu du.