Kieran Tierney komunikabideen aurrean agertu da gaur arratsaldean Reale Arenako prentsa aretoan. Jokin Aperribay presidenteak lagunduta, jokalari txuri-urdin berriak Donostiara iritsi aurretik zuen irudipena berretsi du. "Beste talde batzuetara joateko aukera nuen, baina bat Realarena zela jakinda, Odegaardekin hitz egin nuen eta klubeko gauza oso onak esan zizkidan. Agintarien aldetik maitasun handia sentitu nuen, eta hemen, Euskal Herrian egoteak eta LaLigan jokatzeak harro sentiarazten nau. Taldeari laguntzea eta denboraldi honetan gauza garrantzitsuak lortzea espero dut", adierazi du.