LaLiga Genuine itzuliko da asteburu honetan. Gure taldea, ilusio handiarekin, Malagara bidean da lehiaketa eder honen jardunaldi berri bat jokatzeko. Talde txuri-urdinak, Atzegiren laguntzarekin eta CIE Automotiven babesarekin, gaur goizean abiatu da Reale Arenatik Costa del Solera, eta bertan jokatuko da 21-22 denboraldiko bigarren fasea. Txuri-urdinek Reus, Nastic eta FC Bartzelonaren aurka jokatuko dute.