Aurredenboraldi txuri-urdina abian da. Bero itogarriaren pean hasi da gaur goizean 24-25 denboraldia gure lehen taldearentzat. Ohiko besarkada eta ongietorrien ondoren, motzez jantzi eta Imanolen aginduetara izerdia botatzeko txanda iritsi da. Tenperatura altuak gogortasuna gehitu dio lehen saio honi. Aurredenboraldi honetan gipuzkoarrek bost lagunarteko jokatuko dituzte LaLiga hasi aurretik. Abuztu erdialderako prest egotea da helburu.
