Nagasaki hiriaren aurkako eraso nuklearraren 80. urteurrena ospatzen den urtean, 1945eko abuztuaren 9ko 11:02ean, Realak errespetua adierazi nahi izan die gerraren izugarrikerian galdutako 70.000 bizitza baino gehiagori. Espedizio osoak Bonba Atomikoaren Museoa bisitatu du eta, ondoren, Bakearen Parkera joan da, bertan errespetuz beteriko ekitaldi solemne batekin amaituaz. Mikel Ubarrechena presidenteordeak, Sergio Francisco entrenatzaileak, Aritz Elustondo eta Igor Zubeldia kapitainek eta Take Kubo japoniarrak lagunduta, eskaintza bat aurkeztu dute biktimei errespetua adieraziz eta beraiek omenduz.