Emaitza oso ona Sansek lortu duena gaur Barça Atlètic-en aurka. Txuri-urdinak bederatzi jokalarirekin gelditu dira bigarren zatian, baina ez dute amore eman eta egoera zail batean puntu bat gehitzea lortu dute.
Talde donostiarrak oso ondo hasi du partida, aurkariaren baloi irteera presionatzen eta jokaldiak ondo eraikitzen. Rupérezek gertu izan du gola, Mariezkurrenaren pase bat jaso ondoren area barruan sartu eta jaurti duenean. Kochenek ondo gelditu du bere saiakera. Etxeko taldeak ere aukerak izan ditu aurretik jartzeko. Cedric-ek erdiraketa arriskutsua errematatu du area barruan, baina bere jaurtiketa oso ondo aldaratu du Aranak. Sergio Franciscoren mutilak aldageletara aurretik joan dira, Gotik sartu duen gol izugarriari esker. Ruperezek erdiratutako baloia bularrarekin bidali du sarera erdilari txuri-urdinak.
Bigarren zatia Sansek jaso dituen txartel gorriek markatu dute. Txuri-urdinak hamar jokalarirekin gelditu dira Rupérezek bi txartel hori ikusi dituenean. Minutu batzuk geroago, epaileak Peru Rodríguez kanporatu du etxeko taldearen alde penalti bat adierazi ondoren. Unaik ez du huts egin hamaika metrotatik eta berdinketa lortu du Barça Atlètic-entzat. Une horretatik aurrera, talde katalanak garaipenaren gola bilatu du. Cedric aukera bikoitza izan du, baina Aranak modu ezin hobean gelditu ditu bi jaurtiketak. Segio Franciscoren mutilak sendo mantendu dira eta burutu duten lan defentsibo bikainak puntu bat eskuratzeko aukera eman die.
Sansek egoera oso zail batean puntu bat gehitzea lortu du, talde osoak egin duen lanari esker. Ez dago denbora asko deskantsatzeko, igandean Zamora bisitatuko bai du talde txuri-urdinak. Aupa Sanse!
Fitxa teknikoa:
Barça Atlètic: Kochen, Olmedo (Espart, min. 45), Mbacke, Cortés, Cuenca (Oduro, min. 45), Guillermo, Prim, R. López (J. Hernández, min. 82), Darvich (Aziz, min. 74), Unai (kap) eta Cedric.
Sanse: Arana, Rupérez, Beitia, P. Rodríguez (kap), Balda, Lebarbier, Carbonell (M. Rodríguez, min. 62), Goti (Merino, min. 62), Ramírez (Ochieng, min. 58), Marchal (Díaz, min. 58) eta Mariezkurrena (Astigarraga, min. 71).
Golak: 0-1: E. Rodríguez, min. 48. 1-1: Unai, min. 70.
Epailea: Cambronero González. Txartel horia erakutsi die etxeko Pérezi eta kanpoko Lebarbier, Beitia eta Ochieng-i. Rupérezek txartel gorria ikusi du 59. minutuan bi txartel hori jaso ondoren. Minutu batzuk geroago, Peru Rodríguezek txartel gorri zuzena ikusi du (68. min).