Sansek 1-1 berdindu du Barça Atleticen aurka, play-off postuengatik borrokan ari diren bi filialen arteko lehia bizian.
Bi taldeek hasieratik planteatu dute joko frenetiko eta zuzena, eta hala erakutsi dute txuri-urdinek. Partidako 2. minutuan, E. Garciak defentsen arteko pasea geldiarazi du eta ate aurrean errematatu du, baina Arnau Tenasek ondo arrapatu du baloia. Jarraian, Teijeirak falta bat atera jaurti du area kanpotik, atezainak jaurtiketa eten du aldaratzea utziz eta Kortajarenak, aukera ondo aurre ikusita, baloia jaso eta errematea egin du txuri-urdinei aurretik jartzeko 13. minutuan. Sergio Franciscoren mutilek ez dute atzera egin eta erasotzen jarraitu dute une oro, ia bigarrena lortzera iritsi arte, Gabilondoren bolea jaurtiketa batekin, baina atezainak kornerrera bidali du baloia. Etxeko jokalarietatik argiena Carbonellek izan du, Cruzen erdiraketa on baten ostean, baina Marrerok ez du esku hartu behar izan eta partida 0-1ekoarekin joan da atsedenaldira.
Donostiarren lehen denbora bikainaren ondoren, bigarrena bi taldeen arteko berdintasun handiarekin hasi da. Lehen abagunea Arandak sortu du etxekoentzat, non kataluniarrak defendatzaileengandik alde egin eta ate aurrean jaurti duen, baina Marrerok egindako geldiketa bikainari esker, ezin izan du berdinketa lortu. Estanisek ere areaz kanpotik probatu du donostiarra, zorterik gabe. Baina Cruzek ezkerrarekin zintzilikatutako falta baten ondoren, Pelayok buruz errematatu du penalti-puntuan Johan Cruyff Arenan 1-1ekoa jartzeko. Golaren ostean, Sergio Franciscoren mutilak, emaitza eusten eta kontraerasora irteten saiatu dira. Eta horietako batean, Kortajarenak baloia buruarekin utzi dio Gorrotxategiri korner baten ostean, baina honek ezin izan du jokaldia golean amaitu. Eta partida, bi taldeen inongo aukera garrantzitsu gehiagorik gabe, 1-1ekoarekin amaitu da.
Sansek puntu bikaina lortu du FC Barcelonaren filialaren aurka, Sergio Franciscori falta zitzaizkion jokalari guztiak kontuan hartuta. Datorren astean etxetik kanpo bidaiatuko dute Real Murciaren aurka jokatzeko. Aupa Sanse!
Fitxa teknikoa:
Barça Atlétic: Tenas, Núñez, Riad (kap.), Pelayo, Vega, Casadó, Carbonell, Aranda (Roberto, min. 79), Cruz, Estanis (Akhomach, min. 64) eta Barberá (Blanco, min. 79).
Sanse: Marrero, Gabilondo (kap.), P. Rodríguez, Cantero, Zoilo, Gorrotxategi, Kortajarena, E. García (A. Carbonell, min. 86), Teijeira (Dadie, min. 57), Azkune (Ezkurdia, min. 76) eta Agirre (Garrido, min. 57).
Golak: 1-0: Kortajarena, min. 13; 1-1: Pelayo, min. 63.
Epailea: Díaz Escudero. Etxeko Carbonelli eta kanpoko Gorrotxategi, Azkune, Kortajarena, Zoilo eta Ezkurdiari atera die txartela.