Hurrengo aurredenboraldiaren datak ezagutzen hasi dira. Uztailaren 11tik aurrera lehen taldeak entrenamenduak hasiko ditu Zubietako instalazio berrituetan. Entrenamenduak eta lagunartekoak tartekatuko dituzte udan. Horietako hiru ezagutzen dira dagoeneko (Toulouse, Stade Rennais eta Deportivo Alaves). Datozen egunetan iragarriko da prestaketa partiden egutegi osoa.