Asteazkenean, Reale Arenan, Erregina Kopako finalerdiari begira (18:30), bazkide eta RS Fan txuri urdin bakoitzak sarrera gehigarri bat izango du Atlético Madrilen aurrean partida ikusteko. Gonbita eskatu ahal izateko, bazkide edo RS Fan bakoitzaren datuekin bete beharko da formularioa. Asteazkenean, datuak betetzean adierazten den helbide elektronikoan jasoko da sarrera.

Gonbita eskatzen duten RS Fanek bi sarrerak (RS Fan eta gonbidapena) posta elektronikoan jasoko dituzte. Hala ere, eskatzaile ez direnek, partida baino bi ordu lehenago, txarteldegian jaso ahal izango dute sarrera, txartela aurkeztu ondoren.