Realak, UEFA Champions Leagueko bere multzoko irabazleak, aurkari zuzena hartuko du gaur arratsaldean Reale Arenan, Europa Leaguetik kanporatu berri den Real Betis. Aurrez-aurreko duelu batean, txuri-urdinek berdegunera salto egingo dute Aitor Zabaletaren omenaldian biziko diren emozio guztiak biribilduko dituen garaipena bilatzeko helburu bakarrarekin.
Gaurkoa aukera ezin hobea izango da jokalariei 2023 historiko honetan gozarazi diguten guztia eskertzeko. Gure koloreen aldeko konpromisoarekin bihotz errealistak taupadarazi dituen taldea. Etxeko mutilak, Zubietakoak, taldekide guztiak adoptatu eta bere egiten dituztenak, munduari lezio argia emanez: Reala familia bat da. Denen artean agur biribila eman nahi diogu urteari. AURRERA REALA!!!