Igor Zubeldiaren kontratu berritzearekin zentral puska daukagu 2029ra arte. Azkoitiarra gizon zoriontsua da. Jone bikotekidea eta Nikol alaba jaioberriarekin batera Reale Arenan izan da, harro, bere bizitzako klubean urte askoan jarraitzeaz.
âOso pozik eta eskertuta nago Klubak nigan jarri duen konfiantzagatik. Eskerrak eman nahi dizkiet nire taldekide, staff eta Zubietako beste langile askori, haien laguntzari esker sari hau iritsi baitzaitâ, esan du irribarrez.
Igorren hazkundea Realak ere azken urtetan izan duen aurrerapausoaren eskutik joan da. âKlubak debuta egin zuenetik sekulako saltoa egin du eta ni progresio horretan parte hartu dudala sentitzen dut. Gainera, Zubietan jokalari gisa ez ezik, pertsona gisa ere hazi egin naute, eta oso eskertuta nago horregatik guztiagatikâ, adierazi du Azkoitiko jokalariak.
Amaitzeko, Zubeldiak argi du âKopako titulua irabaztea ametsa izan zela, baina beste desio bat eskatu beharko banu, beste titulu bat ospatu ahal izatea izango litzateke, oraingoan gure jendearekin. Egiten ari garen urtearekin, Txapeldunen Ligarako sailkatu ahal izatea ere handia izango litzatekeâ. Hala izan dadila.
