Denboraldiko aste gogorrenetako baten erdian Realak Sadarrera bisita egingo du gaur gauean, inertzia onari eusteko eta azkenaldian lortu ez duen etxetik kanpoko garaipen bat eskuratzeko. Taldea oso sendo dago defentsan, baina garaipena lortzeko aurkariaren arean ondo dagoela erakutsi behar da.
Aurkaria, CA Osasuna, partida historiko bat jokatzeko 8 egunen faltan dago, Errege Kopako finala Real Madrilen aurka. Real Betis eta Cadiz CF taldeen aurka bi garaipen jarraian lortu ondoren, gorritxoek bolada hau luzatzea izango dute helburu La Cartujako finalerako prestatzeko modurik onena baita. Bide horretan Reala gurutzatuko da, helburu handi baten atzetik jarraitzen duena. Gaur anbizio handiko derbia bizi da. AURRERA REALA!!!
