Menderatu ezin den koliseo horietako bat bisitatzen dugu gaurkoan. Camp Nouk bere taldearen porrot bakarra ikusi du denboraldi osoan, azaroan izan zen Real Betisen aurka. Estatistika guztiak kontran ditugu, ezinezko baten aurrean gaudela esaten digute, baina bularrean gure armarria eramaten duen jokalari bakoitza zaleen ordezkaria izango da berdegunean. Dena ematera irtengo dira, Europarako sailkatzeko azken aukerak bizirik mantentzeko eta zaleei merezi duten poztasuna emateko.
Aurrean izango dugun hamaikakoa nazioarteko izarrez josita dagoena izango da. Messi, Suarez, Coutinho, Rakitic, Dembele⊠jokalari arriskutsuak ezker-eskuin. Inoiz baino baterago egon beharko dugu gaurkoan, taldearen indarra arerioaren banakotasunen aurka. Gaur hiru puntu baino zerbait handiagoarengatik borrokatzen dugu, armarri eta zale batzuengatik egiten dugu. AURRERA MUTILAK!
