Mikel Gonzalez de Martin eta Juanmi Jimenez lehen taldeko jokalariek arratsalde polita pasa dute Bergaran, babesle txuri-urdina den Euskaltel-en dendan. Arratsaldeko zazpietatik, bi jokalariek autografoak sinatu dituzte eta argazkiak egin dira bertara gerturatu diren zale guztiekin. Jarraitzaileek bi futbolariak gertutik ezagutzeko aukera izan dute eta animo mezuak eman dizkiete erabakiorra izango den denboraldi amaierarako.
