Euskal Herria Txapelaren finala datorren urriaren 2an jokatuko da. Realak eta Athleticek neurtuko dituzte indarrak hitzordu eder horretan. Joan den Ligako elkarren aurkako norgehiagoketan puntu gehien eskuratu zituzten bi euskal taldeen arteko lehia izango da. Finala 19:00etan hasiko da, Anoeta estadioan.
Euskal Herria Txapela finalaren aurkezpen ofiziala asteleneheko 11:30ean izango da estadio txuri-urdinean. Ekitaldian neurketaren xehetasun guztiak ezagutaraziko dira eta Realeko eta Athleticeko ordezkari instituzionalez gain, bi klubetako bi mito ere izango dira. Arritxu Iribar aurkezleak gidatuko duen ekitaldian, José Ángel Iribarrek, talde zuri-gorriaren ikur nagusietako batek, eta Inaxio Kortabarriak, ikur txuri-urdinak, elkarrekin aurkeztuko dute partidaren irabazleak jasoko duen garaikurra.
Derbi honek, gainera, Mikel Etxarriri omenaldia egiteko balioko du. Hamarkadetan Realeko teknikari izandakoak eta bere azken etapan Euskal Selekzioko entrenatzaile izan zenak euskal zale guztien aitortza jasoko du, aulkietan egindako ibilbide oparoagatik eta euskal entrenatzaileen formakuntzan egindako lanagatik.
Disfruta de tu nuevo carnet digital 
Zure informazioa eta datuak konsultatu edo aldatu
Zuretzat bakarrik ekintza eta promozio bereziak
Zozketak, sariak, 360 bideoak, etabar
Gure taldeen eta jokalarien estatistikak
Gure artxibo historikoa kontsulta egin
Audioak, postalak, posterrak eta aldizkariak jeisteko prest.
Zure argazkia taldearekin