Realak 3-1 galdu du FC Barcelonaren aurka Johan Cruyff estadioan. Txuri-urdinek aurpegia eman dute Europako talderik onenaren etxean, lehen ordu erdian sufritu eta gainerako partidetan bikain lehiatu ostean, sentsazio onekin amaituz nahiz eta porrota jaso.
Espero bezala, bartzelonarrek izugarrizko hasiera izan dute. Aitanak etxekoen bi abagune onenak izan ditu: lehenik Mapiren erdiraketa batekin, erdilariak errematea langara bidaliz, eta handik gutxira Letek urrundu duen beste jaurtiketa arriskutsu batekin. Ordu erdia bete baino lehen, Grahamek aurretik jarri ditu etxekoak ezker hegaletik Walshek egindako erdiraketa bigarren zutoinean errematatu ostean. Handik gutxira, eta berriro ere Graham protagonista zela, bigarren gola iritsi da, área aurrealdetik zuzenean jaurtitako falta batekin. Txuri-urdinek pixkanaka luzatzea lortu dute eta behin baino gehiagotan iritsi dira aurkariaren areara, baina arriskurik sortu gabe.
Realak aldageletatik igaro ondorengo lehen zatiko amaiera on horri jarraipena ematea lortu du. Letek Alexiari egindako penalti zalantzagarri batek, ordea, etxekoen erasotzaileak eraldatzea lortu duena, partida amaierarako ordu erdiaren faltan erabakita uzteko balio izan du. Donostiarrek azken unera arte jarraitu dute borrokan, eta Lucia Pardok, Cata Collen bere atetik egindako irteera aprobetxatuz, area kanpotik baloia sare barrura bidaltzea lortu du. Txuri-urdinek gora egin dute eta bigarren golaren bila ibili dira azken txanpan, baina ez dute asmatu.
Porrot honek ez du taldeak kontinenteko feudorik zailenean eman duen irudi ona zapuzten. Meritua handikoa izan da. Datorren asteburuan, denboraldiko lehen puntuen bila Levante UD taldearen etxean.
Fitxa teknikoa:
FC Barcelona: Cata Coll, O. Battle, Engen, María León (Marta, min. 78), Rolfö (Brugts, min. 64), Walsh (Kika, min. 78), Patri, Graham (Vicky, min. 78), Aitana, Alexia (kap.) (Pina, min. 64) eta Pajor.
Real Sociedad: Lete, Emma, Lucía, Vanegas, V. Quiles (Cecilia, min. 46), Andreia, Cahynová, Lorena, N. Eizagirre (kap.) (E. Guridi, min. 73), Lavogez (L. Pardo, min. 46) eta Amaiur (Franssi, min. 63).
Golak: 1-0: Graham, min. 27; 2-0: Graham, min. 31; 3-0: Alexia (pen.), min. 62; 3-1: L. Pardo, min. 77.
Epailea: Fírvida Fernández. Txartelik gabe.