Aurrerapausoa

Belar hockeyko gure taldeak beharrezkoa zuen garaipena lortu du gaur eguerdian Zubietan Castelldefels Hockey Club-en aurka (3-2), azken jardunaldietako bolada negatiboari amaiera emanez eta datorrenari begira balio handiko neurketa batean: ostiraleko Erreginaren Kopako final-laurdenak Sanse Complutenseren aurka.

Txuri-urdinek ahalik eta ondoen hasi dute partida, Luciana Molinak lehen laurdenean sartutako golarekin. Molina bera agertu da berriz ere bigarren zatia hasi eta berehala 2-0ekoa sinatzeko, baina talde katalanak aldea murriztu du atsedenaldira iritsi aurretik, Sandra Monjek penalti kornerrez sartutako golari esker. Hirugarren laurdenean, Leire Zubizarretak abantaila handitu du 3-1ekoarekin donostiarrentzat norgehiagoka bideratuta. Azken laurdenean, amaierarako bost minuturen faltan, Elisabet Vilellak 3-2koa sartu du penalti kornerrez sartutako beste gol batekin, baina talde gipuzkoarrak emaitza eutsi du neurketaren amaierara arte. Erreginaren Kopako erronkari aurre egiteko funtsezko garaipena. Atxurrak gora!