22-23 Ligaren azken zatia hasten da. Nazioarteko etenaldiaren ondoren, txuri-urdinak pilak kargatuta eta anbizioz beteta datoz sailkapen onari eusteko. Erronka handia da, saria den bezala, lortuz gero. Aurrean ditugun aurkariek ere asko dute jokoan eta horietako askok gure nahiak mehatxatuko dituzten aurkariak izango dira.
Lehenengoa Villarreal CF da. Urpekari horia Europa Leagueko postuetan dago eta garaipena nahi du gaur arratsaldean guregana hurbiltzeko. Gerard Moreno bere izar eta erreferentea baja izateak gainerako jokalariek aurrerapausoa eman nahi izatea ekarriko du. Jokoaren arlo guztietan erne egoteko lehia izango da. Defentsan erakutsitako irmotasuna mantentzea eta aurkariaren arean asmatzen jarraitzea, hori da errezeta. Denboraldi amaierako gailurreko eskaladarekin hasiko gara. AURRERA REALA!!!