Giro bikaina egon da gaur Zubietan Amets Bateko umeei esker. Gaur 174 izan dira etorri direnak, Donostiko Orixe Ikastola, Larramendi Ikastetxea eta Katalin Erauso Ikastetxea, Errenteriako Telleri-Alde Ikastetxea eta Alegiko San Juan Ikastetxetik etorritakoak. Primeran pasa dute Zubieta ezagutzen, joko ugari egiten, lehen taldeko entrenamendua ikusten, eta Gorosabel eta Manu Lareorekin solasaldia izaten. Arratsaldean Aquariuma bisitatuko dute eta apirilaren 4an, ostegunean, Anoetan izango dira Real Betisen aurkako partidan taldea animatzeko.
