Pandemiaren ondoren ikusleak harmailetara itzultzean, futbolaren funtsa pixkanaka berreskuratzen joan da. Reale Arena galaz jantziko da gaur, Realaren eta Athleticen arteko euskal derbiko gau handi bat bizitzeko, talde txuri urdin pletorikoarekin Santander LaLiga parekatu honetan garaipen berri bat lortu nahian. Imanolen mutilen jokoa denek miresten dute, sentsazio onekin eta emaitzekin jarraipena ematea da aurrean duten erronka.
Marcelinoren eskutik, zuri-gorriek euren DNAn hain nabarmena den defentsa-esentzia hori berreskuratu dute. Golari begira dagoen argitasunik eza, Top 10eko gol gutxien sartu dituen taldea da, atzean duten sendotasunarekin orekatzea lortu dute, nekez gaindi daitekeen horma izatera eraman dituena. Hamar partidatan sei gol jaso ondoren, maila honetan gol gutxien jaso dituen taldea dira, eta gure gaurko aurkariak batuz jarraitzea izango dute helburu, aurreko erasoetan aurre egin dieten Europako posizioetara hurbiltzeko. Iker Muniainek bizkaitarren jokoa markatzen jarraitzen du, beti Vencedor edo Dani Garciaren hedapen fisikoaren babesean. Williams anaien abiadurarekin eta Raul Garciaren intentsitatearekin etengabeko mehatxu gisa, baloirik gabeko fronte asko irekita izango dituzte txuri-urdinek, txapelketa hasiera honetan daramaten defentsako lerro onari eta nagusitasunari eusteko.
Gaur derbi eguna da, betiko derbia. Giro bikaina inguruetan eta pikea osasuntsu harmailetan. Familiak eta kuadrillak, eserlekutik dena utziko dietenak bereak bultzatzeko. Jarrai dezagun eredu izaten. Derbiaren funtsa itzuli da. AURRERA REALA!!!