Realak Benito Villamarin zelaia bisitatuko du gaur arratsaldean Real Betisen aurka jokatzeko 19:30etatik aurrera. Txuri-urdinak ez daude bolada onenean Anoetatik urrun, baina Mestallan jokatutako bigarren zatiaren sentsazio onek baikor izatera bultzatu behar gaituzte gaurko neurketari begira.
Joko estilo antzekoa duten bi taldeen arteko leia izango da. Baloiaren kontrola bereganatzea eta defentsan sendo agertzea izango dira gaur arratsaldeko gakoak Villamarinen. Hiru puntuak eskuratzea ezinbestekoa da geratzen den denboraldi zati honetako aspirazioak bizirik mantentzeko. Borrokatzen jarraitu beharra dago. GOAZEN REAL!
