Ezin izan da motzez jantzi, baina ahazten ez diren txalo zaparrada jaso du. Anoeta guztia zutik ipini da Mikeli merezitako omenaldia eskeintzeko. Bizkarrean 300 partida ofizial edukita, Malaga CF-ren aurkako partidaren aurretik arrasatearrak, bere bikote eta Maia eta Danel seme-alabekin batera, entitatearen Urre eta Brillantezko Intsignia jaso du Jokin Aperribay presidentearen eskutik. Atzelariak berriro ere zalego txuri-urdinak dion maitasuna sentitu du, eskerrak emanez Mikelek Realari eman dion guztiagatik. Arima, izpiritua, esfortzua, talde-lana, nortasuna, sentimendua, izaera, baloreak… Eredu bat denentzako, zelai barruan eta kanpoan. Eta azken irudi bat Anoetan, taldekideekin atera duena, haiek bere omenez kamisetak jantzita zituztela. Eskerrik asko, Mikel.
