Asier Illarramendi zoriontsu da. Kapitain txuri-urdinak gaur eguerdian luzatu du bere kontratua 2023 arte, “sentitzen nuena, nahi nuena da” esan du Real Sociedad TVren aurrean. “Lehen taldera igo nintzenean, itzuli nintzenean, beti sentitu naiz garrantzitsu eta zoriontsu naiz Realak duen familiarengatik” aipatu du mutrikuarrak. Kapitainaren besokoa eramango duen lehen denboraldiko, Illarrak “ilusioz beteriko denboraldia espero dut, zelai berriak zaleak gertu izateko aukera emango baitigu. Beraien laguntzarekin urte ederra izango da”. Kapitainaren hitza.