Realak garaipena eta denboraldi honetako dinamika ona berreskuratu nahi izango du gaur Anoetan CD Leganesen aurka. Neurketa internazionalen geldialdia ondo etorri da akatsak zuzendu eta fisikoki prest egoteko ligaren azken txanparako. Gaur hiru puntuak Anoetan geratu behar dira gotorlekua berreskuratzeko.
CD Leganes denboraldiko momentu onenean iristen da Donostira. Hiru partida jarraian porrota ezagutu gabe egon ondoren, jaitsiera postuak 5 puntura utzi ditu Asier Garitanoren taldeak. Madrildarrak baja nabarmen batekin iristen dira Anoetara, Nabil El Zhar aurrelaria etxean geratu da.
