Realak La Cartujan amaitzea nahi dugun bideari ekingo dio gaur gauean. Txuri-urdinek Real Madrid hartuko dute Reale Arenan Errege Kopako finalerdietako joaneko partidan. Zaleen agindu argiarekin irtengo dira jokalariak, gure baloreak eta koloreak berdegunean defendatu. Mutrikuarra edo bamakoarra, oriotarra edo tokiotarra izan, eskutik helduta eramaten zaitu gure klubak munduko eszenatoki handienean zure onena ematera.
Futbolaren munduak Reale Arenan izango ditu gaur begiak jarrita, non gazte talde bat ikusiko duen, arrakasta gosez, erraldoi baten aurrean kolore txuri-urdinak defendatuz. Finalerdiak hasten dira, gaur ez da kanporaketa erabakiko, baina lehen pausoa eman dezakegu. Zuekin gaude, harmailetatik bultzatuko zaituztegu. Harreratik azken txistura arte. AURRERA REALA!!!