Gure zaleen 'Keler Jokalaria'

Animatu, sentitu, bibratu. Astebururo, Realeko milaka zalek futbola emozio partekatua bihurtzen dute, partidaren 90 minutuak gainditzen dituena. Zaletasun hori estadioaren barruan eta kanpoan eraiki da, eta zale txuri-urdinek Mikel Oyarzabal aukeratu dute 25/26eko Zaleen Keler Jokalari gisa. Keler-ek –Realaren babesle ofiziala– bultzatutako aintzatespena da, eta klubaren, jokalarien eta zaleen arteko loturari ematen dio balioa.

Talde txuri-urdinaren kapitaina eta zelai barruko eta kanpoko erreferentea, Oyarzabal (Eibar, 1997) dagoeneko ezinbesteko pertsonaia bilakatu da klubaren historia hurbilean. Aurrelari erabakiorra, konprometitua eta sentimendu biziarekin. Otsailean bertan Realaren goleatzaile nagusi bihurtu zen Anoetako estadioan, bere ondarea eta zaleekin duen lotura indartzen duen mugarria.

Ekintza joan den otsailaren 3an abiarazi zen, markaren eta klub zuri-urdinaren sare sozialen bidez, eta zaleak gonbidatu izan ziren denboraldiko jokalari gustukoena bozkatzera. Zaleen babes handiena jaso duen jokalaria izan ondoren, Oyarzabalek Keler Jokalariaren garaikurra jaso du Anoeta estadioan, Lore Azpitarte Keler-eko marketin arduradunaren eskutik.

Bozketan parte hartu zuten guztien artean, Keler-ek palkorako bi sarrera zozketatu zituen, otsailaren 21ean Anoetan jokatu zen Real Sociedad – Real Oviedo partidaz gozatzeko. Horretaz gain, Oyarzabalek sinatutako kamiseta bat eta denboraldiaz gozatzeko Keler batzuk ere oparitu zituen.

Sari honen bosgarren edizioa da hau. Aurreko denboraldietan Robin Le Normand, Take Kubo, Ander Barrenetxea eta Martin Zubimendi saritu ditu. Dagoeneko tradizio bihurtu den garaikurra da hau, eta Keler-en eta Realaren arteko lotura eta harremana indartzen ditu.

Keler eta Reala

Keler Realaren babesle ofiziala da 2006tik, eta konpromiso hori berrituz joan da denboraldiz denboraldi, Realarekin duen lotura eta partekatzen dituzten balioak direla eta. Elkarrekin une historikoak partekatu dituzte –klubaren mendeurrenaren ospakizuna, esate baterako– eta dagoeneko txuri-urdin zaleen oroimenaren parte diren kanpainetan jokalariak eta jarraitzaileak babestu dituzte. Joan den 2022az geroztik, Anoetak Keler Espazioa du, realzaleen familientzako topagune bihurtu den espazio gastronomiko eta entretenigarria.

Keler-en eta Realaren arteko lankidetza estua Donostiako garagardoak kirolarekin eta futbolaren munduan tradizio handiena duen klubarekin duen loturaren beste erakusgarri bat da; izan ere, Keler bezala, Realak mende bat baino gehiago darama euskal kulturaren parte izaten. Kirolarekin duen konpromisoaren esparruan, markak Euskadiko kirol-ekintza eta ekitaldietan konprometituta jarraitzen du.