Igandean CA Osasunaren bisita jasoko dugu. Aprobetxa dezagun bi taldeen arteko zenbait bitxitasun ikusteko:
1- Bi taldeen artean Donostian jokatutako lehen neurketa 1939-40 denboraldian izan zen. Bigarren maila zen eta Realak 2-1 irabazi zuen Chechu eta F. Teranen golekin.
2- Partida hura Gabon-egunean jokatu zen, abenduaren 24ean.
3- Juanmik Osasunaren aurka sartu zuen bere lehen gol ofiziala. Lehen itzuliko neurketan izan zen (0-2).
4- Xabi Prietok Lehen Mailan Realarekin Osasunaren aurka egin zuen debuta 2003-04 denboraldia zen.
5- Anoetan jokatutako azken neurketan Realak 5-0 irabazi zuen, emaitza ikusgarriena gorritxoen aurka.
6- 1989ko Real-Osasuna partida batean John Aldridgek bere debuta egin zuen kamiseta txuri-urdinarekin.
7- Bi taldeen arteko partidaren atarian 05-06 denboraldian, Alberto Ormaetxeari omenaldia egin zitzaion, egun batzuk lehenago hil baitzen.
8- Kenan Kodro, Osasunako jokalaria, Realeko harrobian egon zen eta hiru denboraldi igaro zituen Sansen.
9- Osasuna izan zen Irango bi jokalari bere taldean izaten lehena, Masoud eta Nekounam hain zuzen.
10- Zubillaga, Goikoetxea, Lumbreras, Luis Perez, Joseba Llorente edo Asier Riesgo dira bi taldeen kamiseta jantzi duten jokalariak.
