“Horrela askoz hobeto”

Beñat Turrientesek prentsaurreko oso bereziaz gozatu zuen joan den astean. Ohiko agerraldi batera zihoala uste zuen, Zubietako prentsa aretoan kazetarien aurrean hitz egiteko prest. Baina, iritsi zenean, aretoa haurrez beteta aurkitu zuen. RS Campusean parte hartzen ari ziren txikiak lehen taldearen eraikinetik igaro ziren Beñati ezustekoa emateko, eta ohikoak baino askoz galdera xelebreago eta atseginagoak egin zizkioten.