Momentu historikoa bizi izan da gaur goizean Anoetan. Donostiako Udaletxeak, Gipuzkoako Foru-Aldundiak, Eusko Jaurlaritzak eta Realak estadioa bisitatu dute lanak zuzenean ikusteko. Hilabete bakarra falta da Anoetako lehen neurketa jokatzeko.
Lau erakundeak oso pozik agertu dira prozesuarekin eta aldaketa nabarmendu dute. Gainera, estadioaren ikuspegia azpimarratu dute. Hala ere, argi eta garbi esan dute lanak 2019ko amaiera arte izango direla eta hobekuntzak denboraldian zehar ikusiko direla.
