Berri onak Realeko gamerrentzat. Kilian Pita kanariarrak, eSportsetan Zidane10 (@z10kilian) bezala ezaguna eta FC 24ko jokalari onenetako batek kontratua berritu du talde txuri-urdinarekin eta, beraz, harro jantziko ditu gure koloreak eLigako denboraldi berrian.
Kamiseta bozkatuena jantziko du
Gainera, albiste hau beste berrikuntza polit bati lotuta dago. Hemendik aurrera, Zidane10-ek Realaren kamiseta berria jantziko du, gure zaleek bozketa bidez aukeratua. Irudian ikus dezakezu zein izan zen abuztuan eskaini ziren hiru aukeren artean hautatuena. Finetworkek babestutako kamiseta honek bozketen % 40 inguru jaso zituen.
Ez bakarrik eLaLiga
Gure eSports saileko manager nagusiaren gidaritzapean, Realak kirol elektronikoaren munduan sendotzen jarraitzen du. Aurten ere LaLiga EA Sports-ek antolatutako txapelketari anbizioz begiratuko diogu, nahiz eta gure helburua horizonteak zabaltzea eta publiko honengana hurbilduko gaituzten beste aktibazio batzuk hartzea izango den.