Hastear da lehiaketa Realarentzat 2018an. Talde txuri-urdinak Butarque bisitatuko du denboraldiko ezusteko positibo handienetariko bat den CD Leganesen aurka jokatzeko. Eusebio Sacristanen gizonek urtearen agurrean Sevilla FC-ren aurka eman zuten irudi onari jarraipena eman nahi diote eta helburu horrekin irtengo dira zelaira.
Arerio sendo bat izango dugu aurrean. Asier Garitano gipuzkoarrak âPichuâ Cuellar atezain beteranoa, Gabriel Pires erdilaria eta Nabil El Zhar aurrelaria nabarmentzen diren taldea zuzentzen du, hegaleko Joseba Zaldua edo Diego Rico ahaztu gabe. Multzo solidario bat dudarik gabe, arerioari bere onena ematea behartzen duen horietarikoa.
Taldeak ezagun du lehiaketa hilabete honek duen garrantzia. Garaipenak pilatzea Europako helburua gertu izan eta arerio zuzen batzuk atzean uztea ahalbidetuko luke. Horretarako, ondo hasi beharra dago. Goazen Real!