Sansek merezimenduzko puntua lortu du FC Andorrari egindako bisitan. Sergio Franciscoren taldeak txartel gorri bat ikusi, eta gol bat jaso ondoren, partida berdintzeko gai izan da Peru Rodríguezen golari esker.
Lehenengo zatia bi taldeen intentsitateak markatu du. Ezin izan dute baloiaren jabetza lortu eta bai etxeko eta kanpokoek baloia defentsatik ateratzeko arazoak izan dituzte. Andorra izan da aukera garbienak izan dituena lehen zatian zehar, batez ere korner eta faltei esker. Nietoren burukada ona Fragaren atetik oso gertu joan da. Txuri-urdinak kontraerasoan ateratzen saiatu dira baloia lapurtzeko gai izan direnean, baina ezin izan dituzte gola sartzeko aukera garbiak sortu.
Talde donostiarrak oso ondo hasi du bigarren zatia eta partidaren jabetzarekin egin da. Hainbat aukera izan ditu neurketako lehenengo gola lortzeko. Darío Ramírezek ez du lortu Baldak erdiratutako baloi on bat errematatzea. Mariezkurrena ere saiatu da, area kanpotik, baina bere jaurtiketa kanpora joan da. Sanseren momentu onenean iritsi da Jon Baldak ikusi duen txartel gorria. Etxeko taldea golaren bila aritu da momentu horretatik aurrera, eta Cerdàren jokaldi on baten ostean aurretik jarri da. Dena galduta zirudienean Peru Rodríguezek area barruan zegoen baloi bat sarera bidali du berdinketa lortuz.
Egoera oso zailean lortutako puntua. Datorren astean txuri-urdinek CD Arenteiro jasoko dute Zubietan. Goazen Sanse!
Fitxa teknikoa:
FC Andorra: Ratti (kap), I. Rodríguez, Morgado, Alende, Clemente, Molina, A. Peña (A. Martín, min. 74), Morán (Cerdà, min. 63), Lautaro (Assane, min. 85), Nieto (Berto, min. 85) eta Redondo (Almpanís, min. 74).
Sanse: Fraga, Rupérez, Beitia, P. Rodríguez (kap), Balda, Lebarbier (Carbonell, min. 56), M. Rodríguez (Agote, min. 68), D. Díaz (Ochieng, min. 56), D. Ramírez (E. García, min. 56), Mariezkurrena eta Osazuwa (Orobengoa, min. 27).
Golak: 1-0: Cerdà, min. 83. 1-1: P. Rodríguez, min. 89.
Epailea: Cánovas García. Kanpoko taldean Lebarbier, Beitia eta Ruperezek ikusi dute txartel horia. Baldak bi txartel hori ikusi ditu eta kanporatuta izan da 66. minutuan.