Gabonetako oporrekin batera, Gipuzkoan egiten den eta hain garai berezi hauetan txikienen artean dibertsioa gehien sustatzen duen ekitaldia egingo da Irunen: Ficobako Haurren Gabonetako Parkea (PIN) , eta Reala ere bertan egongo da.
Jai hauetan, Ficobako PINa da 3 eta 13 urte bitarteko haurrek gehien irrikatzen duten aisialdirako baliabideetako bat. Guneak 3 pabilioi ditu, non heziketa jarduerak, jolas kooperatiboak, tailerrak, teknologia berriak eta erabateko dibertsioa aurkitu ditzakegun, ekitaldi ludiko hauetan ohikoak diren atrakzioekin konbinatuta.
Abenduaren 26tik urtarrilaren 4ra
Abenduaren 26tik urtarrilaren 4ra arte, Realak leku bat edukiko du (1 eta 2 Pabilioiak) eta leku horretan hainbat jarduera egiteko aukera egongo da, gure begiraleen laguntzarekin. Esaterako, giza futbolinean jolastu ahal izango da, tabletak egongo dira ‘Jolastu Realarekin’ Apparekin ondo pasatzeko, futbol zelai puzgarri bat muntatuko da, eta multikiroleko beste jarduera batzuk ere bai. Gabon hauetan, PINen ikusiko dugu elkar!