Realak beste arratsalde zirraragarri batekin agurtuko du 2019a Reale Arenan. Irailean gure etxe berria estreinatu genuenetik, lehen aldiz tribunako sarrera guztiak agortu dira FC Barcelonaren bisitarako (larunbatean, 16:00etan). Inork ez du galdu nahi.
Beraz, partidarako lau egun falta direla oraindik, jada ez da sarrerarik gelditzen salgai. Reale Arenako behin-behineko leihatilak, Atano III. pilotalekuaren ondoan dagoena, larunbatean irekiko du konpromiso korporatibo ezberdinen bilketa kudeatzeko bakarrik.